ANG MGA PABANGO SA BUHAY KO

              Noong high school ako, hindi man lang ako conscious sa aking sarili kung ok lang ba ang pananamit ko o mabaho na ba ako. Ngayong nagdadalaga na ako, unti-unti ko ng narerealize ang kahalagahan ng healthy hygiene. Dito ko na rin natutunan ang gumamit ng mga pabango na lalong nagpadagdag ng aking kompeyansa sa sarili. Noong una patiis-tiis lang muna ako sa mga splash na cologne na mumurahin, ang mahalaga may mabangong amoy ito, ngunit pagkalipass ng 2 o 3 araw hindi ako nakontento sa amoy nito dahil ilang minuto lamang ay natanggal na ang bango. Ang gusto kong amoy ay yong tinatangay ng hangin at tumatagal ng buong araw, iyong amoy na kung  sino man yong makakasalubong ko ay tiyak na mapapalingon sa akin.

              Sinubukan ko ang EDC (Eau De Cologne) na pabango, nakabili ako nito sa may Ace Centerpoint at may isa doon na nakakuha ng aking interes upang bilhin, kaya naman matapos kung subukan lahat ng kanilang mga produkto, dahil nga sa nahuhumaling ako kaya dalawa ang aking kinuha mura lang naman kasi dalawang pabango sa halagang 100 pesos. Pagdating sa bahay ay sinubukan ko agad na gamitin. Sa unang spray pa lang ay naaamoy ko na ang bango nito. May nakapagsabi nga sa akin na mabango raw yong cologne ko. Syempre ako naman ay tuwang-tuwa at abot hanggang tenga ang aking ngiti, iyon nga lang mga tatlong oras lamang ang itinagal nito.

              Ok na sana ang lahat subalit may isa akong kaibigan na natatangay ng hangin  ang kanyang pabango, gusto ko rin na magkaroon ng ganoong uri ng pabango dahil sa matagal itong mawala, natatangay pa ng hangin. Nagbago na naman ang aking panlasa at nawalan na ako ng interes sa dati kong ginagamit. Tinanong ko sa kanya kung anong perfume ang gamit niya, sinagot niya naman ako na Ever Bilina raw, kaya naman bumili rin ako nito. Sa una nakontento ako sa amoy nito ngunit makalipas ang mga tatlong araw nag-iba na naman ang aking interes sabi ko  hindi ito ang gusto kong uri ng pabango.

               Nagresearch ako  sa google tungkol sa mga pabango at EDT (Eau De Toilette) Vaporisateur daw ang isa sa mga uso ngayon sa mga kababaihan. Napaisip tuloy ako kung meron bang ganoon dito Marbel. Kaya ayon nagcanvass nalang ako ng pwede kong  pagpilian merong Playboy for women, mabango ngunit mahal masyado piso na lamang at limang daan na, meron ding Juvan Mush for women kaso nga lang masyadong maanghang hindi ko type, wala sa karakter ko ang ganitong uri ng pabango at ang presyo nito ay malapit na sa isang libo parang isang sako na ng bigas, 300 lang naman ang budget ko.

               Umuwi akong laglag ang balikat dahil sa hindi ko nabili ang gusto kong pabango. Pababa na ako ng KCC ng mapansin ko ang booth ng Aficionado. Pagkabasa ko pa lang ng Aficionado ay rumehistro agad sa aking isip ang Joel Cruz signature na pabango na dati ng inaadvertize ni Willie Revillame. Sabi ko sa sarili masubukan nga kahit mahal siguro atleast I try. Sinubukan ko at dalawang klase ng Aficionado ang nagustuhan ko, F35 at F16 ngunit isa lamang ang nabili ko dahil 250 ang isa sa bawat 85 ml, kulang na kulang ang pera ko. Binili ko na lamang ang F35 ng maubos na ang F16 na una kung binili.Kaya naman  hanggang sa ngayon ito pa rin ang gamit ko.

Narito ang ilan sa mga pabango na patok ngayon: